ОРАЛ. Шілденің 6-сы. ҚазАқпарат /Елжан Ералы/ - Батыс Қазақстанда екі бірдей құқық қорғау қызметкерінің ісі сотқа берілді,
деп хабарлайды ҚазАқпарат тілшісі облыс прокуратурасының баспасөз қызметінен түскен мәліметке сілтеме жасап.
БҚО бойынша экономикалық қылмысқа және сыбайлас жемқорлыққа қарсы күрес департаментінің инспекторы Д.Рахметов Р.Тоқтамышев деген азаматтан қылмыстық жауапкершілікке тартпау үшін 50 мың теңге көлемінде пара алып, ҚР ҰҚК БҚО бойынша департаменті қызметкерлерінің қолына түскен. Ал БҚО ішкі істер департаменті қызметкері Ж.Қалиев С.Тұрманов деген азаматты қылмыстық іске тартамын дей отырып, оны алдап, 100 мың теңгесін алған. Оны аталмыш департаменттің өзіндік қауіпсіздік басқармасының қызметкерлері құрықтаған болатын. Сонымен құқық қорғау қызметкерінің бірі қызмет бабын асыра пайдаланып, бопсалау жолымен пара алғаны үшін айыпталса, екіншісі алаяқтығы үшін жауапқа тартылып отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).