ОРАЛ. ҚазАқпарат – Батыс Қазақстан облысында екі республикалық жолда көлік қозғалысы шектелді, деп хабарлайды ҚазАқпарат тілшісі.
«ҚазАвтоЖол» АҚ БҚО филиалының мәліметіне сәйкес Ақтөбе облысында аура райының нашарлауына байланысты (қар, боран, жолдың көрінуінің нашарлауы, көктайғақ) 16 ақпан күні сағат 18.50-ден бастап Самара-Шымкент автожолында (266-526 км, Теректі ауданы Подстепный ауылынан Ақтөбе облысының шекарасына дейін) қоғамдық және жүк көлігі үшін қозғалыс шектелді.
Сонымен қатар сағат 21.00-ден бастап қар мен боранға байланысты республикалық маңызы бар Атырау-Орал автожолында (189-492 км, Атырау облысының шекарасынан Оралға дейін) қоғамдық және жүк көліктеріне шектеу қойылды.
Осыған орай БҚО ТЖ департаменті ескерту жарияланып, тиісті шаралардың алынып жатқанын жеткізді.
Еске сала кетейік, бұдан бұрын Батыс Қазақстанда республикалық жолдың жабылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).