ОРАЛ. ҚазАқпарат – Батыс Қазақстан облысында екі тұрғын үй өртенді, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, бірінші оқиға 20 наурыз күні Теректі ауданы Барбастау ауылында болды.
Сағат 18.27-де Б.Момышұлы көшесі 2-мекенжайында тұрғын үйдің жанып жатқаны белгілі болды.
Аумағы 90 шаршы метрді қамтыған өрт сағат 20.14-те оқшауланып, 21.21-де толықтай сөндірілді.
Сондай-ақ бүгін сағат 10.24-те Орал қаласында Қ.Жұмағалиев көшесі 11-мекенжайында жеке үйдің отқа оранғаны жөнінде хабар түскен.
Тұрғын үйдің шатыры мен төбе жабындары жанды. Аумағы – 70 шаршы метр.
Оқиға орнында жеке құрамнан 17 адам 4 техникамен жұмыс істеді.
«Тілсіз жау» сағат 11.27-де ауыздықталды.
Екі оқиғадан да зардап шеккендер жоқ.
БҚО ТЖ департаменті өрт қауіпсіздігі ережелерін қатаң сақтау керектігін тұрғындар есіне салады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).