Батыс Қазақстанда екінші деңгейдегі банктер берген несие 86,3 млрд. теңгеге жетті

ОРАЛ. Маусымның 16-сы. ҚазАқпарат /Елжан Ералы/ - Батыс Қазақстан облысында екінші деңгейдегі банктер берген несие 86,3 млрд. теңгеге жетті,

деп хабарлайды ҚазАқпарат тілшісі облыстық статистика департаментінен түскен мәліметке сілтеме жасап.

Биылғы төрт айда банктер облыс экономикасына 16,7 млрд. теңге несие салса, соның 78,7 пайызы - заңды, 21,3 пайызы жеке тұлғалардың қолына тиген. 14450,4 млн. теңге ұлттық, 2272,4 млн. теңге шетелдік валютамен берілген.

Банктердегі салымдар мөлшері 37,9 млрд. теңгеге жетсе, соның 84,6 пайызы тұрғындар еншісінде.