ОРАЛ. ҚазАқпарат – Батыс Қазақстан облысында 96961 адам коронавирусқа қарсы вакцинаның бірінші компонентімен егілді, деп хабарлайды ҚазАқпарат тілшісі.
БҚО денсаулық сақтау басқармасы мәлім еткеніндей, 63965-і екінші компонентін алды.
Қазіргі кезде өңірде кәсіпорындар мен мекеме-ұйымдар қызметкерлерін, тұрғындарды вакцинациялау жалғасуда.
Басқармадан түскен мәліметке қарағанда, күні бүгін облыста 1123 төсектік 18 инфекциялық стационарда 523 науқас емделуде. Соның ішінде Орал қаласында 600 төсектік 5 аурухана 73 пайызға толып, онда жатқандар саны 438-ге жетті. 72 төсектік жансақтау бөлімшесінде 36 адам ем қабылдауда.
Соңғы аптада алдыңғымен салыстырғанда, ауру жұқтыру көрсеткіші 31,7 пайызға (223 науқасқа) көбейді.
Жыл басынан бері 15762 адам коронавирус жұқтырса, соның 55 пайызы (9642) Орал қаласында, 14 пайызы (2273) Бәйтерек, 11 пайызы (1798) Бөрлі ауданында тіркелген.
Еске сала кетейік, бұдан бұрын БҚО-да коронавирустан көз жұмғандардың 70 пайызы егде адамдар екенін, соңғы төрт күнде 400-ден астам адамның індет жұқтырғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).