ОРАЛ. ҚазАқпарат - Батыс Қазақстан облысында ер адам суға батып кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға Тасқала ауданы Шежін ауылдық округінде болды.
2 шілде күні 2-Шежін ауылынан 50 шақырым жерде шамамен сағат 10.00-де жасы 30-40-тардағы азиат пішіндес ер адам белгісіз жағдайда жасанды су қоймасына батып кеткен. Ол киімшең күйінде болған.
Марқұм сағат 17:15-те жедел құтқару жасағының күшімен (4 құтқарушы, 1 жүзу құралы, 1 техника) судан шығарылды.
Қазіргі кезде сот-медициналық сараптама тағайындалып, тергеу амалдары жүргізілуде.
Қазіргі кезде ер адамның кім екендігі анықталу үстінде. Сот-медициналық сараптама тағайындалып, тергеу амалдары жүргізілуде.
Осымен өңірде жыл басынан бері 12 адам суға кетсе, соның төртеуі - кәмелетке толмағандар.
Еске сала кетейік, бұдан бұрын Оралда Шаған өзеніне ағып бара жатқан жасөспірім құтқарылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).