23:21, 01 Ақпан 2017

Батыс Қазақстанда еркін және әйелдер күресінен чемпиондар анықталды

ОРАЛ. ҚазАқпарат - Оралда еркін және әйелдер күресінен БҚО чемпионаты мәреге жетті, деп хабарлайды «ҚазАқпарат» ХАА тілшісі.

Жарыстың бас хатшысы, ұлттық дәрежедегі төреші Артур Қазбеновтің айтуынша, салмақ дәрежелеріне қарай мына палуандар әйелдер күресінен жеңімпаз атанды: Яна Яковлева (48 кг, Орал), Назерке Оңдағанова (53 кг, Сырым ауданы), Татьяна Тарабрина (55 кг, Бөрлі), Жанна Қазтуғанова (58 кг, Ақжайық), Гүлжанар Нетәлиева (60 кг), Әсем Ерғалиева (63 кг), Айғаным Сапарғалиева (69 кг), Айдана Сисалиева (75 кг, бәрі де Оралдан).

Ерлер арасында Мейірхан Өтегенов (57 кг, Ақжайық), Гасан Гаджиев (61 кг, Орал), Нұрхан Тельманұлы (65 кг, Ақжайық), Әділбек Сайфенов (70 кг, Орал), Мұратбек Қадыров (74 кг, Сырым), Зайреден Мұхамбетжанов (86 кг, Орал), Вадим Симаченко (97 кг, Бөрлі) және Әбілмансұр Сапарғалиев (125 кг) жеңіс тұғырына көтерілді.

Сонымен қатар қыздар мен жасөспірімдер арасында да жеңімпаздар анықталды.

Ерлер мен әйелдер күресінен үздік шыққандар іріктеліп, ақпан айының аяғында Шымкент қаласында өтетін ҚР чемпионатына қатысады.

Батыс Қазақстан облысы Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).