ОРАЛ. ҚазАқпарат – Батыс Қазақстан облысында газ бағасы қымбаттады, деп хабарлайды ҚазАқпарат тілшісі.
«ҚазТрансГаз Аймақ» АҚ Батыс Қазақстан өндірістік филиалынан мәлім еткеніндей, биылғы 1 шілдеден бастап қосымша құн салығын қоса есептегенде, 1 текше метр үшін тауарлы газдың бағасы тұрғындар үшін 20,06 теңге болды.
Сондай-ақ бюджеттік ұйымдарға – 24,03, басқа заңды тұлғалар үшін 23,86 теңге көлемінде белгіленді.
Ал мемлекеттік арнайы әлеуметтік және тұрғын үй көмегін алатын тұрғындар әр текше метрге 16,05 теңгеден төлейді.
«Тарифтің өсуі тауарлы газдың көтерме саудада өткізу бағасының 15 пайызға көтерілуіне байланысты болып отыр», деп хабарлады ведомстводан.
Тұрғындар осы кезге дейін әр текше метрге 18,80 теңгеден төлеп келген еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).