ОРАЛ. ҚазАқпарат – Батыс Қазақстан облысында халыққа қызмет көрсету бөлімдерінің жұмысы қайта жанданды, деп хабарлайды ҚазАқпарат тілшісі.
«Азаматтарға арналған үкімет» мемлекеттік корпорациясы БҚО филиалының PR-менеджері Ақнұр Нұрғалиеваның мәлім еткеніндей, Орал қаласындағы №1 және №2 халыққа қызмет көрсету бөлімдеріі қайта ашылды.
Аудандық бөлімдер азаматтарды штаттық режимде сағат 09.00-ден 18.00-ге дейін қабылдауда.
Орал қаласындағы мамандандырылған халыққа қызмет көрсету бөлімі (автоХКО) уақытша жұмыс істемейді.
«Бұдан бұрын интернеттің жоқтығына байланысты халыққа қызмет көрсету бөлімдерінің жұмысы тоқтатылған болатын», деді А.Нұрғалиева.
PR-менеджер 645 мемлекеттік қызметті eGov.kz порталы және 120-дан астам мемлекеттік қызмет түрін eGov mobile қосымшасы арқылы алуға болатынын еске салды.
Еске сала кетейік, бұдан бұрын Батыс Қазақстанда 72 сәбиге «Сүйінші» сыйқорабы табыс етілгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).