ОРАЛ. ҚазАқпарат - Батыс Қазақстан облысында 1123 төсектік 18 инфекциялық стационарда жатқандар саны 455-ке жетті, деп хабарлайды ҚазАқпарат тілшісі.
БҚО денсаулық сақтау басқармасы мәлім еткеніндей, соның ішінде Оралда 600 төсектік 5 стационарда 375 науқас емделуде.
Соның ішінде 36-сы жансақтау бөлімінде жатыр.
Басқарма мәліметіне қарағанда, 1444 (679-ы инфекциялық, 765-і карантиндік) төсек-орын резерв ретінде әзірленді.
Алдыңғы тәулікте коронавирус жұқтырған 13 адам ғана тіркелсе, кеше 88 науқас анықталды.
Соңғы тәулікте алдыңғымен салыстырғанда, ауру жұқтыру көрсеткіші 7,2 пайызға (37) төмендеді.
Індет басталғаннан бері облыста барлығы 24189 адам сырқаттанып, 19378-і сауығып шықты.
Коронавирустан қайтқандар саны - 364.
Еске сала кетейік, бұдан бұрын БҚО-да бір күнде коронавирустан 138 адам сауығып шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).