ОРАЛ. ҚазАқпарат – Батыс Қазақстан облысында қатты жел ғимараттың шатырын жұлып әкетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 2 маусым күні сағат 22.07-де Жаңақала ауданы Жаңақала ауылында болды.
Жылдамдығы секундына 22 метрге дейін жеткен қатты жел аудандық Қорғаныс істері жөніндегі бөлім орналасқан бір қабатты ғимараттың шатырын жұлып әкетті. Аумағы – 160 шаршы метр.
Жалпы ауданы 160 шаршы метр ғимарат 1985 жылы салынып, 2007 жылы соңғы жөндеу жұмыстары жүргізілген. Оқыс оқиғадан ешкім з ардап шеккен жоқ.
Қазіргі кезде келтірілген шығын анықталып жатыр.
Еске сала кетейік, бұдан бұрын Батыс Қазақстанда найзағай түсіп, мал қорасы мен 125 тонна пішен жанып кеткенін жазған болатынбыз. Сондай-ақ гараж бен автокөлік жанып кетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).