ОРАЛ. ҚазАқпарат - Батыс Қазақстан облысында қазан айында 1 018 адамнан коронавирус анықталды, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаментінің баспасөз қызметінен түскен мәліметке қарағанда, соның 56 пайызы (566) ЖРВИ белгілерімен тексерілген.
Сондай-ақ 28 пайызы (288) бұрын ауырғандармен байланыста болған. 15 пайызы (154) профилактикалық мақсатта, 1 пайызы (10) стационарға жатқызар алдында сынама тапсырған.
Сырқаттанғандардың көпшілігі (279) - 41-60 жас аралығындағылар.
Жыл басынан бері барлығы 29 269 науқас тіркелсе, бұл 100 мың тұрғынға шаққанда, 4421,8-ден келеді.
Соңғы аптада (14-20 қазан) алдыңғымен (7-13 қазан) салыстырғанда, ауырғандар саны 12,6 пайызға (363-тен 317-ге) төмендеді.
Департамент мәліметі бойынша соңғы төрт күнде 153 адамнан індет табылды.
Пандемия басталғаннан бері тіркелген 38 490 науқастың 19 255-і Орал қаласының үлесіне тиеді.
Еске сала кетейік, бұдан бұрын БҚО-да 232 мыңнан астам адамның коронавирусқа қарсы екпе салдырғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).