ОРАЛ. Қыркүйектің 11-і. ҚазАқпарат /Ғайсағали Ералы/ - Батыс Қазақстан облысында қажетті мал азығының 70 пайыздан астамы дайындалды,
деп хабарлайды ҚазАқпарат тілшісі.
Облыстық ауыл шаруашылығы басқармасы мал шаруашылығы бөлімінің бастығы Қали Ақонның айтуынша, биыл өңірде барлығы 987 мың тонна мал азығы дайындалуы керек болса, қазіргі қарқын жаман емес.
Тек Қазталов, Жәнібек және Ақжайық ауданының оңтүстік бөлігінде ғана қиындық бар. Бұларға облыстың солтүстік аудандарынан құрамажем дайындауға мүмкіндік бар.
Өңірде үш жылдан бері мал басы екі жүзден кем емес, ірі шаруашылықтарға жанар-жағармай шығынының 50 пайызын жабу үшін субсидия бөлініп келеді. Өткен жылы 47 млн. теңге игерілсе, биыл бұл мақсатқа 55,6 млн. теңге бөлінді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).