ОРАЛ. ҚазАқпарат – Батыс Қазақстан облысында кен орнында вагондар өртенді, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 18 тамыз күні сағат 02.21-де Бәйтерек ауданы Январцев ауылдық округі Чинарев газконденсат кенішінде орын алды.
«БекЖол – Құрылыс» ЖШС-ның вагондары жанды. «Тілсіз жауды» ауыздықтауға «Семсер-Өрт сөндіруші» ЖШС-ның 14 қызметкері мен 2 техникасы жұмылдырылды.
Өрт салдарынан жеті вагон мен ондағы мүліктер отқа оранды.
Өрт сағат 04.49-да сөндірілді.
Қазіргі кезде өрттің шығу себебі, келтірілген шығын, кінәлі адамдар анықталу үстінде.
Еске сала кетейік, бұдан бұрын Ақсайда газ жарылысынан жарақат алған әйелдің қайтыс болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).