ОРАЛ. ҚазАқпарат – Батыс Қазақстан облысында ауа райының нашарлауына байланысты республикалық жолдар жабылды, деп хабарлайды ҚазАқпарат тілшісі.
«ҚазАвтоЖол» ҰК» АҚ БҚО филиалының мәліметі бойынша жергілікті сағат 13.30-дан бастап республикалық маңызы бар Орал-Атырау (189-492 км, Оралдан Атырауға дейін), Самара-Шымкент (265-526 км, Подстепныйдан Ақтөбеге дейін) күре жолдары барлық көлік түрлері үшін жабылды.
Жабылу себебі – жаңбыр, көктайғақ.
Осыған орай БҚО ТЖ департаменті ескерту жарияланып, тұрғындарға СМС хабарламалар жіберіліп жатқандығын жеткізді.
Еске сала кетейік, бұдан бұрын БҚО-да ер адамды жүк көлігімен қағып, қашып кеткен шетелдік жүргізушінің ұсталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).