ОРАЛ. 27 тамыз. ҚазАқпарат - Батыс Қазақстан облысында 30 тамыз - Конституция күніне арналған мерекелік шаралар өтуде.
Облыстық ішкі саясат басқармасынан түскен мәліметке қарағанда, Оралда таэквондодан қаланың ашық біріншілігі мәреге жетсе, балалар аула клубтарында, мәдениет үйлерінде және басқа көпшілік орындарда Ата заңға арналған дөңгелек үстел, түрлі кештер, концерттік бағдарламалар ұйымдастырылуда.
Негізгі шаралар 30 тамызға белгіленген. Бұл күні орталық Абай алаңында еңбек ұжымдарының салтанатты шеруі болып, өңір жұртшылығын облыс әкімі Нұрлан Ноғаев құттықтайды. Күндіз, сондай-ақ кешкісін концерттік бағдарлама қойылып, ол отшашуға ұласпақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).