ОРАЛ. ҚазАқпарат – Батыс Қазақстан облысында тағы жеті адам коронавирустан жазылып шықты, деп хабарлайды ҚазАқпарат тілшісі.
Облыстық жұқпалы аурулар ауруханасының директоры Надия Ахметованың айтуынша, бақылау сынамалары олардың коронавирустан емделгендігін көрсетті.
Олардың екеуі – Орал қаласының, тағы екеуі – Тасқала ауданының тұрғыны. Сондай-ақ бір-бірден Түркістан мен Маңғыстау облысынан, Теректі ауданынан бар.
Ауруханада қалған 145 науқас емдерін жалғастыруда.
Осылайша Батыс Қазақстанда сауығып шыққандар саны 72-ге жетті.
Еске сала кетейік, бұдан бұрын БҚО-да тағы алты адамның емделіп шыққанын, облысқа Теңіз кен орнынан 1700-ден астам адамның келгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).