ОРАЛ. Желтоқсанның 21-і. ҚазАқпарат /Елжан Ералы/ - БҚО-ның Зеленов ауданы Мичурин мен Махамбет ауылдарында желтоқсанның 21-інде төрт бірдей нысан ашылып, оған облыс әкімі Бақтықожа Ізмұхамбетов қатысты,
деп хабарлайды ҚазАқпарат тілшісі.
Мичурин ауылындағы мәдениет үйін күрделі жөндеуге «Жол картасына» сәйкес 27,3 млн. теңге жұмсалып, 48 адам жұмысқа тартылды. Сондай-ақ осы ауылда 10 несиелік үй іске қосылды. Әр үйдің құны - 6,074 млн. теңге.
Махамбет ауылында аумағы 2 мың шаршы метр жылыжай пайдалануға берілді. Мұны «Алтын болашақ» шаруа қожалығы (басшысы Еркін Насыров) іске қосты. Махамбетте бой көтерген «Қазпошта» ғимаратының құрылысына 10,7 млн. теңге жұмсалды. Мердігері - «Лобасов» ЖК.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).