ОРАЛ. ҚазАқпарат – Батыс Қазақстан облысында мұз ойылып, автокөлік өзенге түсіп кетті, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткендей, оқиға 22 қараша күні Бәйтерек ауданында болған.
Макаров ауылының тұрғыны мұздың қалыңдығын тексеру үшін Шаған өзеніне барып, «Ауди» автокөлігін биіктеу жерге қойып кеткен.
Ол мұзды жаяу қарап жүргенде, автокөлігі өзенге қарай жылжып кеткен.
Автокөлікте ешкім болмаған. Ал әлеуметтік желіде таралған бейнежазбадағы адамдар – оған көмектесуге келген ауылдастары.
Бәйтерек ауданы полиция бөлімі учаскелік полиция инспекторының көмекшісі, полиция аға лейтенанты С.Машанов автокөлік иесімен профилактикалық әңгіме жүргізді.
Еске сала кетейік, бұдан бұрын БҚО-да алаяқтың жұмысқа орналастырамын деп 35 тұрғынды алдап кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).