ОРАЛ. ҚазАқпарат – Батыс Қазақстан облысында облыстық маңызы бар 10 жол жабылды, деп хабарлайды ҚазАқпарат тілшісі.
БҚО жолаушылар көлігі және автомобиль жолдары басқармасынан түскен мәліметке қарағанда, 19 наурыз күні жергілікті сағат 22.00-ден бастап ауа райының нашарлауына байланысты Бөрлі-Ақсай-Жымпиты (0-159 км), Жымпиты-Қаратөбе (0-103 км), Приурал-Ақсай (0-35 км), Үлкен Шаған-Переметный (0-42 км), Орал-Кирсанов (1-83 км), Барбастау-Ақжайық-Нидербор (0-108 км), Тасқала-Аққурай-Болашақ-РФ шекарасы (0-157 км), Аңқаты-Сарыөмір (0-64 км), Федоров-Ақсай (0-82 км), Ақсай-Шыңғырлау (15-86 км) жолдарында барлық көлік түрінің қозғалысы шектелді.
Жабылу себебі – қатты бұрқасын, жолдың көрінуі нашар.
Осыған орай БҚО ТЖ департаменті ҚазАқпарат тілшісіне төтенше жағдайларды болдырмау мақсатында тиісті шаралар қолға алынғанын хабарлады.
Еске сала кетейік, бұдан бұрын БҚО-да Самара-Шымкент жолында бірнеше автокөлік соқтығысып, жүргізушінің жарақат алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).