ОРАЛ. ҚазАқпарат – Батыс Қазақстанда ауа райының нашарлауына байланысты облыстық жолдарда қозғалыс шектелді, деп хабарлайды ҚазАқпарат тілшісі.
БҚО жолаушылар көлігі және автомобиль жолдары басқармасы мәлім еткеніндей, бүгін сағат жергілікті сағат 09.00-ден бастап облыстық маңызы бар Тасқала-Аққурай-Болашақ-РФ шекарасы (0-157 км), Үлкен Шаған-Переметный (0-42 км), Бөрлі-Ақсай-Жымпиты (0-159 км), Жымпиты-Қаратөбе (0-103 км), Орал-Кирсанов (1-83 км) жолдары барлық көлік түрлері үшін жабылды.
Өңірде күшті жел тұрып, боран соғып, жолдың көрінуі нашарлаған.
Осыған байланысты БҚО ТЖ департаменті тұрғындарға алыс жолға шықпау керектігін еске салады.
Еске сала кетейік, бұдан бұрын Батыс Қазақстанда боранға байланысты Самара – Шымкент жолы жабылғанын жазған болатынбыз.
Сондай-ақ ауа райына байланысты екі өңірде жол жабылды.
Сондай-ақ Ақсай-Шыңғырлау (0-86 км), Ақсай-Приурал (0-35 км), Федоров-Ақсай (0-82 км) жолдарында да қозғалысқа шектеу қойылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).