ОРАЛ. ҚазАқпарат – Батыс Қазақстан облысында орман отқа оранды, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 22 маусым күні Теректі ауданы Шағатай ауылдық округінде болды.
Сағат 13.15-те Қызылжар елді мекені маңында 9,5 гектар алқапта орман (қарағаш және терек) өртенді.
Оқиға орнында ТЖ департаменті (41 адам, 4 техника), орман шаруашылығы мекемесі (40 адам, 3 техника), жергілікті атқару органдары (10 адам, 2 техника) күштері жұмыс жасады.
«Тілсіз жау» сағат 18.20-да оқшауланып, 22.14-те ауыздықталды.
«Қазгидромет» РМК мәліметіне қарағанда, 23 маусым күні облыста 39 градус ыстық болуы ықтимал.
БҚО ТЖ департаменті соңғы кезде күннің қатты ысуына байланысты төтенше өрт қаупі сақталып отырғанын ескертеді.
Еске сала кетейік, бұдан бұрын Оралда «Рахмет» азық-түлік дүкенінің өртенгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).