ОРАЛ. ҚазАқпарат – Оралда тұрғын үй түк қалмай өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен мәлім еткеніндей, оқиға 3 сәуірге қараған түні қала орталығындағы Абай даңғылы 208а-мекенжайында болды.
«Сағат 00.00-де «101» пультіне адам тұрмайтын жеке тұрғын үйдің өртеніп жатқаны жөнінде хабар түскен. Өрт сөндірушілер келіп жеткенде, 60 шаршы метр аумақта тұрғын үйдің отқа оранғаны анықталды. Зардап шеккендер жоқ. «Тілсіз жауды» ауыздықтауға жеке құрамнан 10 адам 3 техникамен жұмылдырылды. Қазіргі уақытта өрттің шығу себебі, келтірілген залал көлемі, кінәлі адамдар анықталу үстінде. Биыл өңірде өрт саны 38 пайызға (2023 жылы – 126, 2022 жылы – 91) көбейіп отыр. Соның 82-сі (2022 жылы – 53) тұрғын үйде болған, бұл – облыстағы жалпы өрт санының 65 пайызы», деп хабарлады ведомстводан.
Еске сала кетейік, бұдан бұрын Батыс Қазақстанда тұрғын үйдің өртеніп кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).