ОРАЛ. Мамырдың 28-і. ҚазАқпарат /Елжан Ералы/ - Биылғы бес айда Батыс Қазақстан облысында 214 өрт тіркелді, бұл өткен жылғыдан ( 252 ) 15 пайызға аз.
Облыстық төтенше жағдайлар департаментінің баспасөз қызметінен Дәмет Жұмағұлованың ҚазАқпарат тілшісіне хабарлағанындай, өткен жылы өрттен келген шығын 108 млн. теңгеге жетсе, биыл 26 пайызға азайып, 80 миллионнан астам теңгені құрады. Өткен жылы бес айда өрттен 4 адам мерт болса, биыл алты адамға жетіп, 50 пайызға көбейді. Сондай-ақ жарақаттанғандар саны 9-дан 14-ке жетіп, 55 пайызға өсті.
Өрттің басым көпшілігі тұрғын үй үлесіне тиеді, мұнда 141 өрт болған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).