ОРАЛ. ҚазАқпарат – БҚО бас мемлекеттік санитар дәрігері Мұхамғали Арыспаевтың жаңа қаулысы шықты, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаментінің баспасөз қызметі мәлім еткеніндей, қаулы 24 қарашадан бастап күшіне енеді.
Қаулыға сәйкес облыстағы санитарлық посттар алынады.
Сондай-ақ сенбі күндері сауда үйлері, жабық базарлар ашық болады, қоғамдық көліктер жүреді. Ал ашық базарлар жексенбі күні де жұмыс істейді.
Есесіне жексенбі және мереке күндері сауда үйлері мен орталықтары (бутиктер, павильондар), онда орналасқан азық-түлік супермаркеттері мен дәріханаларды қоспағанда, жабық базарлар жұмыс істемейді. Сол секілді қоғамдық көліктер де бұл күндері тоқтатылады.
Облыс көлемінде басқа да шектеулер сақталады.
Еске сала кетейік, бұдан бұрын Батыс Қазақстанда санитарлық постар қойылатынын, коронавирусты емдеуге қажетті құрал-жабдықтардың жеткілікті екендігін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).