ОРАЛ. 2 қаңтар. ҚазАқпарат - Батыс Қазақстан облысында шағын және орта кәсіпкерлік нысандарында еңбек ететіндер саны 89247 адамға жетті.
Облыстық статистика департаментінен түскен мәліметке қарағанда, алдыңғы жылмен салыстырғанда, бұл көрсеткіш 9,9 пайызға өсіп отыр. Өткен жылдың он бір айында шағын және орта кәсіпкерлік нысандары 287461 млн. теңгенің өнімін өндірді, бұл алдыңғы жылғыдан 2,5 пайызға артық.
2013 жылдың 1 желтоқсанына облыстағы ірі және орта кәсіпорындардың міндеттемелер бойынша мерзімі өткен берешегі 3286,7 млн. теңгені құрады, соның ішінде жалақы қарызы - 80,6 млн. теңге.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).