ОРАЛ. ҚазАқпарат – Батыс Қазақстан облысында соңғы төрт күнде 411 адам коронавирус жұқтырған, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаменті мәлім еткеніндей, соның 319-ында ауру белгілері болса, 92-сі – симптомы жоқтар.
Науқастардың 279-ы ЖРВИ белгілерімен тексерілген, 88-і бұрын індет жұқтырғандармен байланыста болған. 38-інен профилактикалық мақсатта, алтауынан стационарға жатқызар алдында сынама алынған.
Ауырғандардың 186-сы Орал қаласында, 65-і Бәйтерек, 65-і Бөрлі, 27-сі Тасқала ауданында анықталды.
Індет басталғаннан бері облыста барлығы 24983 адам коронавирусқа шалдығып, 20166-сы жазылып шықты. 387-сі көз жұмды.
Сырқаттанғандардың 13815-і Оралда, 3099-ы Бәйтерек, 2809-ы Бөрлі, 1025-і Теректі ауданында тіркелген.
Еске сала кетейік, бұдан бұрын БҚО-да коронавирустан көз жұмғандардың 70 пайызы егде адамдар екенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).