ОРАЛ. ҚазАқпарат – Батыс Қазақстан облысында соңғы төрт күнде 463 адамнан коронавирус анықталды, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаменті мәлім еткеніндей, соның 322-сінде ауру белгілері болса, қалған 141-інде коронавирус симптомсыз өтуде.
11-14 сәуір аралығында ЖРВИ белгілерімен тексерілген 265, бұрын ауырғандармен қарым-қатынаста болған 143, профилактикалық мақсатта қаралған 48 және стационарға жатқызар алдында сынама алынған 7 адамнан індет табылды.
Ауырғандардың басым көпшілігі (257) Орал қаласының үлесіне тиеді. Сондай-ақ төрт күнде Бәйтерек ауданында 84, Бөрліде 40, Шыңғырлауда 32, Теректіде 19, Қазталовта 15 адамнан коронавирус анықталды.
Індет басталғаннан бері облыс бойынша 16730 адам сырқаттанса, соның 13388-і жазылып шықты. 259 адам өмірден озды.
Орал қаласында коронавирус жұқтырғандардың жалпы саны 9606, Бөрлі ауданында 1782, Бәйтеректе 1764-ке жетті.
Еске сала кетейік, бұдан бұрын Батыс Қазақстанда коронавирусқа қарсы екпе алғандар саны 20 мыңнан асқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).