ОРАЛ. ҚазАқпарат - Батыс Қазақстан облысында індет тарай бастағанан бері 21208 адам коронавирус жұқтырса, соның 12074-і Орал қаласында тіркелген, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаментінің баспасөз қызметінен түскен мәліметке қарағанда, облыс бойынша 16364 адам сауығып шықты.
Осы кезге дейін 314 науқас көз жұмды.
Соңғы төрт күнде облыста 440 адам тіркелсе, соның 346-сында ауру белгісі бар, 94-інде симптомы жоқ. 279 адам ЖРВИ белгілерімен қаралған, 123-і - үй ошағындағылар, 29-ынан профилактикалық мақсатта, үшеуінен стационарға жатқызар алдында сынама алынған.
440 адамның 187-сі Орал қаласы, 103-і Бәйтерек, 47-сі Бөрлі ауданының үлесіне тиеді.
Індет басталғалы бері Бәйтеректе 2399, Бөрлі ауданында 2314 адам коронавирус жұқтырған.
Еске сала кетейік, бұдан бұрын БҚО-да төрт күнде 400-ден астам адамнан коронавирус анықталғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).