ОРАЛ. ҚазАқпарат – Батыс Қазақстан облысында соңғы үш күнде 144 адамнан коронавирус табылды, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаменті мәлім еткеніндей, соның 75-інде ауру белгілері болса, 69-ының симптомы жоқ.
Үш күнде тіркелгендердің 96-сы Орал қаласының үлесіне тиеді. Сондай-ақ 27 ақпан – 1 наурыз аралығында Бөрлі ауданында 20, Шыңғырлауда 9, Бәйтеректе 7 адам ауырған.
Індет басталғалы облыста барлығы 13 054 адам дертке шалдықса, соның 10 656-сы жазылып шықты. 199 адам көз жұмды.
Биыл өңірде 3 833 адам сырқаттанса, соның 3 833-інің ауру белгілері бар, 1 462-сі – симптомы жоқтар.
Кеше облыста 46 адамның коронавирус жұқтырғаны белгілі болса, соның 36-сы Орал қаласында анықталды.
Еске сала кетейік, бұдан бұрын Оралда газ мекемесінің 7 қызметкерінен коронавирус анықталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).