ОРАЛ. ҚазАқпарат – Батыс Қазақстан облысында тағы алты адам коронавирустан емделіп шықты, деп хабарлайды ҚазАқпарат тілшісі.
Облыстық жұқпалы аурулар ауруханасының директоры Надия Ахметованың айтуынша, олардың біреуі – Орал қаласының тұрғыны.
Қалған бесеуі – Атырау облысындағы Теңіз кен орнында вахталық әдіспен жасайтын өңір тұрғындары.
«Бақылау сынамалары оларда вирустың жоқтығын көрсетті. Ауруханада жатқан қалған науқастардың жағдайы жеңіл не орташа күйде», деді ҚазАқпарат тілшісіне Н.Ахметова.
Осылайша облыста сауығып шыққандар саны 65-ке жетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).