ОРАЛ. ҚазАқпарат – Батыс Қазақстан облысында тағы алты адам коронавирустан жазылып шықты, деп хабарлайды ҚазАқпарат тілшісі.
Облыстық жұқпалы аурулар ауруханасының директоры Надия Ахметованың айтуынша, олардың үшеуі – Тасқала ауданының тұрғындары.
Сондай-ақ бір-бір адамнан Орал мен Тараз қаласы және Теректі ауданынан.
«Бәрінің де жағдайы қанағаттанарлық. Бақылау сынамалары олардың коронавирустан айыққандығын көрсетті», деді ҚазАқпарат тілшісіне Н.Ахметова.
Осылайша БҚО-да емделіп шыққандар саны 86-ға жетті.
Еске сала кетейік, бұдан бұрын БҚО-да тағы сегіз адамның емделіп шыққанын, коронавирус жұқтырған соңғы алты науқас та Теңіз кен орнынан келгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).