ОРАЛ. ҚазАқпарат - Орал қаласында 2009 жылғы ұл бала әткеншектен құлап, басынан жарақат алды, деп хабарлайды ҚазАқпарат тілшісі.
Батыс Қазақстан облысы Денсаулық сақтау басқармасының баспасөз хатшысы Айнагүл Сақпосынованың айтуынша, оқиға кеше кешкісін Зачаган кентінде орын алды.
Бала басын темір әткеншекке соққан. Басынан ашық жарақат алып, миына зақым келген бала қазір қалалық көпбейінді ауруханада жатыр. Оған медициналық жәрдем көрсетілуде, әзірге ота жасалған жоқ.
Айта кетейік, бұдан бұрын 21 мамыр күні Теректі ауданы Подстепный ауылдық округінде 4 жасар бала әткеншектен құлап, ішінен жарақат алған болатын. Дегенмен ішкі ағза мүшелеріне зақым келмеген. Ол облыстық көпбейінді балалар ауруханасында ем алуда.
Балалардың екеуі де дәрігерлердің тұрақты бақылауында.
Иллюстрациялық фото
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).