ОРАЛ. Шілденің 8-і. ҚазАқпарат /Елжан Ералы/ - Шілденің 7-сінде Жайық өзеніне шомылу кезінде 2001 жылғы Эльсавар Сейфалов суға кетті, деп хабарлайды ҚазАқпарат тілшісі облыстық төтенше жағдайлар департаментінен түскен мәліметке сілтеме жасап.
Орал қаласында тұрған төртінші сынып оқушысы судан құтқарушылар күзетпейтін жерден суға түскен.
Биыл өңірде барлығы 22 адам суға кетсе, соның ішінде балалар да аз емес. Бұдан бұрын жаз басында Жаңақаланың Мәстексайында екі бала, Қазталовта бір оқушы тілсіз жаудың құрбаны болса, маусымның 29-ында Бударин каналында он бір жасар қыз бала суға кеткен еді.
Орал қаласындағы негізгі жағажайлар мен Шалқар көлін бақылауға төтенше жағдайлар департаменті қызметкерлерімен қатар полицей жасақтары да белсене қатысуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).