ОРАЛ. ҚазАқпарат - «Қазгидромет» РМК-ның мәліметі бойынша 18-19 наурыз күндері Батыс Қазақстан облысының кей жерлерінде боран соғып, көктайғақ болады.
Облыстық ТЖД-ның баспасөз қызметінен хабарлағанындай, оңтүстік-батыстан солтүстік-батысқа ауысып соғатын желдің жылдамдығы секундына 15-20 метрге жетпек.
Орал қаласында да осы күндері бұрқасын көтеріліп, көктайғақ орын алмақ. Желдің екпіні секундына 18 метрге дейін бармақ. Осыған орай өңірде төтенше жағдайларды болдырмау бағытында шаралар алынуда.
Айта кетейік, 16 наурызға қараған түні облыста алай-түлей боран соғып, жолдарды бітеп тастаған болатын. Оған қоса Орал қаласының өзінде бірнеше шағынауданда электр жарығы өшіп қалып, күндіз ғана қалпына келтірілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).