ОРАЛ. ҚазАқпарат – Батыс Қазақстан облысында соңғы төрт күнде 577 адамнан коронавирус табылды, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаменті мәлім еткеніндей, соның 337-сі Орал қаласында тіркелген.
Сондай-ақ соңғы төрт тәулікте Бәйтерек ауданында 82, Бөрліде 55, Теректіде 31 адамның індет жұқтырғаны белгілі болды.
Департамент мәліметіне қарағанда, жыл басынан бері өңірде 10386 адам сырқаттанса, соның 6583-інде ауру белгілері бар, ал 3803-інде симптомы болған жоқ.
Ал індет басталғаннан бері облыста 19607 адамнан (11248-інің ауру белгілері бар, 8359-ының симптомы жоқ) КВИ анықталды. Соның ішінде Орал қаласында 11339, Бөрлі ауданында 2120, Бәйтеректе 2073, Теректіде 800, Ақжайықта 673, Шыңғырлауда 541 адамнан коронавирус табылды.
Еске сала кетейік, бұдан бұрын Батыс Қазақстан облысында 1 мамырдан бастап 21 блокпост жұмыс жасай бастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).