ОРАЛ. ҚазАқпарат - Батыс Қазақстан облысында трактор аударылып, екі адам жарақат алды, деп хабарлайды ҚазАқпарат тілшісі.
Оқиға бүгін Тасқала ауданында болған.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдем сағат 09.35-те шақырылды.
Трактор аударылған кезде 1982 жылғы ер адамның аяқтары қыстырылып қалған. Оны ТЖ қызметкерлері шығарып алғаннан кейін алғашқы медициналық көмек көрсетілді. Содан кейін облыстық көпбейінді ауруханаға жеткізілді.
Екінші зардап шеккен 1980 жылғы ер адамның алдын ала мәлімет бойынша қос қабырғасы сынған. Ол Тасқала аудандық ауруханасына жеткізілді.
Қазіргі оқиғаның жай-жапсары анықталып жатыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).