ОРАЛ. Маусымның 17-сі. ҚазАқпарат /Елжан Ералы/ - Батыс Қазақстан облысында биылғы бес айда туберкулезбен ауырған 219 адам тіркелді,
бұл өткен жылғыдан 30,7 пайызға аз, деп хабарлайды ҚазАқпарат тілшісі облыстық статистика департаментінен түскен мәліметке сілтеме жасап.
Соның ішінде аталмыш кеселге 14 жасқа дейінгі сегіз бала шалдықса, соның тең жартысы мамыр айының үлесіне тиеді. Соңғы айда барлығы 57 адамға сондай диагноз қойылған.
Туберкулез, педикулез (196, өткен жылғы бес аймен салыстырғанда 71,3 пайыз) кемігенімен, кейбір жұқпалы аурулар өсіп кетіп отыр. Атап айтқанда, облыс аудандарында 13 сарып (бруцеллез) дерті тіркеліп, 44,4 пайызға артқан. Сондай-ақ өткір вирусты гепатит 163,6, жұқпалы ішек аурулары 229,4, бактериялы дизентерия 100,0 пайызға көбейген.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).