ОРАЛ. 16 мамыр. ҚазАқпарат - Дүниежүзілік отбасы күніне орай Оралда алғаш рет «Ақжайықтың оқырман отбасы-2012» байқауы өтті.
Ж.Молдағалиев атындағы облыстық ғылыми-әмбебап кітапхана мен Х.Есенжанов атындағы облыстық балалар мен жасөспірімдер кітапханасы ұйымдастырған шараға барлығы 9 отбасы қатысып, бақ сынады.
Бұған дейін іріктеу сындарына қатысып, озық шыққан отбасылар Ғ.Құрманғалиев атындағы облыстық филармония залында өздерін таныстырып, сүйіп оқитын шығармаларынан үзінділер оқыды. Сондай-ақ өз отбасыларының қолөнер туындыларынан көрме ұйымдастырып, әулет шежіресін тарқатты.
Сайыс қорытындысында Ақжайық ауданынан келген Кәрімовтер жеңімпаз атанса, бөрлілік Ермекқалиевтер - екінші, жәнібектік Бекмұхамбетовтер үшінші орынды еншіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).