ОРАЛ. ҚазАқпарат – Батыс Қазақстан облысында тұрғын үй өртеніп, бір отбасы баспанасыз қалды, деп хабарлайды ҚазАқпарат тілшісі.
БҚО ТЖ департаменті мемлекеттік өрт бақылау басқармасының бастығы, азаматтық қорғау майоры Мереке Жұмағалиевтің мәлім еткеніндей, оқиға 2 сәуір күні Ақжайық ауданы Чапаев ауылында болды.
Сағат 20.07-де Щурихин көшесі 12-мекенжайында жеке тұрғын үйдің жанып жатқаны жөнінде хабар түскен.
Аумағы 80 шаршы метр тұрғын үй, соған жапсарлас орналасқан 48 шаршы метр гараж және Lifan автокөлігі өртенген.
Жалпы аумағы 128 шаршы метрді қамтыған «тілсіз жауды» ауыздықтауға жеке құрамнан 11 адам 2 техникамен жұмылдырылды.
Өрт сағат 20.47-де оқшауланып, 21.28-де толықтай сөндірілді.
Ауыл адамдарының сөзіне қарағанда, бір отбасының бүкіл дүние мүлкі мен құжаттары түгел жанып кеткен.
Қазіргі кезде тұрғындар Азбантаевтар отбасына қолдау көрсетіп, есепшотқа қаржы аударуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).