ОРАЛ. ҚазАқпарат – Батыс Қазақстан облысында жас жігіт суға батып кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 2 маусым күні Орал қаласына қарасты Круглоозерный кентінде болды.
Сағат 09.50-де 1994 жылғы жігіт шомылуға жабдықталмаған жерде Көшім каналына түсіп, батып кеткен.
Марқұмның денесі БҚО ТЖ департаменті жедел құтқару жасағының (6 адам, 1 техника, 1 жүзу құралы) күшімен сағат 11.17-де судан шығарылды.
Биыл осымен Батыс Қазақстанда 9 адам суға кетсе, соның екеуі – бала.
БҚО ТЖ департаменті суға түскенде, қауіпсіздік ережелерін ұмытпау керектігін тұрғындар есіне салады.
Еске сала кетейік, бұдан бұрын Батыс Қазақстанда жүргізушінің Жайық өзеніне батып кеткенін, Оралда кішкентай баланың 5-қабаттан құлап кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).