ОРАЛ. ҚазАқпарат - «Қазгидромет» РМК Батыс Қазақстан облыстық филиалының мәліметіне қарағанда, 18 наурыз күні өңірдің кей жерлерінде ауа райы бұзылады, деп хабарлайды «ҚазАқпарат» тілшісі.
Көктайғақ, тұман, бұрқасын болып, оңтүстік-батыстан соғатын желдің жылдамдығы секундына 15-20 метрге дейін жетеді.
Орал қаласында да осындай ауа райы болып, желдің екпіні секундына 18 метрге жетуі ықтимал.
Осыған орай БҚО ТЖ департаменті ескерту жариялап, қауіпсіздік шаралары қолға алынуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).