ОРАЛ. ҚазАқпарат – Батыс Қазақстан облысында жол апатынан полиция қызметкері көз жұмды, деп хабарлайды ҚазАқпарат тілшісі.
БҚО полиция департаментінің баспасөз қызметінен мәлім еткеніндей, оқиға 5 қазан күні Жаңақала ауданы орталығы Жаңақала ауылынан 4 шақырым жерде болды.
«Сағат 01.30-да Чапаев-Жаңақала жолының 124-шақырымында Жаңақала ауданы полиция бөлімі жергілікті полиция қызметі бөлімінің бастығы, 1985 жылғы полиция майоры өзінің «Шевроле Кобальт» автокөлігінің руліне ие бола алмай, аударылып қалған. Жол апаты салдарынан жүргізуші оқиға орнында кайтыс болды. Дерек ҚР ҚК 345-бабы 3-бөлігіне сәйкес тіркелді», деп хабарлады ведомстводан.
Марқұм автокөлікте жалғыз өзі болған.
Еске сала кетейік, бұдан бұрын Оралда сабақ үстінде 10-сынып оқушысы көз жұмғанын жазған болатынбыз.
Сондай-ақ Шамалған станциясында жолаушылар пойызы ер адамды қағып кетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).