ОРАЛ. ҚазАқпарат – Батыс Қазақстан облысында жыл басынан бері жіті респираторлық вирустық инфекцияға (ЖРВИ) шалдығу көрсеткіші 2,3 есеге өсті, деп хабарлайдыҚазАқпарат тілшісі.
БҚО санитарлық-эпидемиологиялық бақылау департаменті басшысының орынбасары Нұрлыбек Мұстаевтың айтуынша, 2022 жылы ЖРВИ-мен сырқаттанушылар саны 15 861-ге
жетті.
2020 жылы 6 768 адам ауырған болатын.
Оның сөзіне қарағанда, сонымен бірге зертханалық зерттеу нәтижелері облыста тұмау емес вирустардың айналымы (РС вирусы – 17, риновирус – 8, парагрипп – 4, бокавирус – 2
және аденовирус – 2, метапневмовирус – 2, коронавирус – 2) бар екендігін көрсетті.
«Егер алдыңғы эпидемиологиялық маусымда өңірде тұмау (грипп) тіркелмесе, 2021 жылғы 1 қарашадан бері зертханалық зерттеулер 98 тұрғынның А (H3N2) типті тұмауға шалдыққанын анықтады», деді Н.Мұстаев.
Еске сала кетейік, бұдан бұрын Батыс Қазақстанда карантин талабын бұзғандарға 3 млн теңге
айыппұл салынғанын, жансақтау бөлімшесінде жатқан 19 науқастың 18-і екпе алмағанын
жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).