ОРАЛ. ҚазАқпарат – Батыс Қазақстан облысында жүк пойызы 26 жастағы қызды қағып кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 29 қыркүйек күні Бөрлі ауданы аумағында болды.
Сағат 13.52-де Қазақстан станциясында 1995 жылғы қыз жүк пойызының астына түскен. Соның салдарынан ол оқиға орнында көз жұмды.
ҚР ІІМ Көліктегі полиция департаментінің баспасөз қызметі аталған дерек бойынша Орал станциясындағы желілік полиция бөлімінде ҚР ҚК 344-бабы 2-бөлігіне (абайсызда адам өліміне әкеп соққан теміржол көлігі қозғалысының қауіпсіздік қағидаларын бұзу) сәйкес сотқа дейінгі тергеу амалдары басталғанын жеткізді.
Қазіргі кезде іс бойынша қажетті тергеу амалдары жүргізілуде.
Еске сала кетейік, бұдан бұрын Оралда пойыз қағып кеткен ер адамның көз жұмғанын жазған болатынбыз.
Сондай-ақ дәрігерлер ота жасап, жас ана мен сәбилерінің өмірін сақтап қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).