ОРАЛ. ҚазАқпарат – Батыс Қазақстан облысында тағы бір автокөлік өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткендей, оқиға 3 мамыр күні Бөрлі ауданы орталығы Ақсай қаласында болды.
Сағат 16.55-те 2-шағынаудан №8 үйдің маңында «Фольксваген Шаран» автокөлігінің жанып жатқаны жөнінде хабар түскен.
Өрт оған қоса «Фольксваген Гольф 3» автокөлігінің алдыңғы доңғалағын да шарпыған.
«Тілсіз жау» №28 өрт сөндіру бөлімшесінің күшімен (3 қызметкер, 1 техника) сағат 17.25-те ауыздықталды.
Департамент мәліметіне қарағанда, жыл басынан бері өңірде барлығы 29 автокөлік өртенді.
Еске сала кетейік, бұдан бұрын Оралда көшенің қақ ортасында көлік өртеніп кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).