ОРАЛ. ҚазАқпарат – Батыс Қазақстан облысында жыл басынан бері 618 адам коронавирустан көз жұмды, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметі мәлім еткеніндей, соңғы айларда қайтқандардың күрт өскені байқалады.
Атап айтқанда, қаңтарда – 28, ақпанда – 15, наурызда – 30, сәуірде – 41, мамырда – 57, маусымда 60 адам қайтыс болса, шілдеде – 144, тамызда – 139, қыркүйекте 90-ға жетті.
Қазан айының алғашқы он бір күнінде 14 науқас өмірден өтті.
Жалпы, пандемия басталғаннан бері 785 адам індет құрбанына айналды.
Басқарма мәліметіне қарағанда, соңғы аптада алдыңғымен салыстырғанда, коронавирус жұқтыру көрсеткіші 8,8 пайызға азайды.
Соңғы тәулікте 18 адамның ауырғаны анықталса, 19-ы сауығып шықты.
Індет басталғаннан бері облыста барлығы 38 058 науқас тіркелсе, соның 28 837-сі биылғы жылдың үлесіне тиеді.
Еске сала кетейік, бұдан бұрын БҚО-да соңғы төрт күнде 230 адамнан коронавирус анықталғанын, сондай-ақ індет жұқтырған 100-ге жуық баланың емделіп жатырғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).