ОРАЛ. ҚазАқпарат - Халықаралық волейбол федерациясы (FIBV) батысқазақстандық Әсел Ғұбашева мен қызылордалық Айдос Ахметовке классикалық волейболдан халықаралық дәрежедегі төреші мәртебесін ресми түрде бекітті.
Қазақстан волейбол федерациясынан түскен мәліметке қарағанда, олар өткен жылы халықаралық семинар сынақтарын сәтті тапсырған болатын. Сөйтіп 27 жасар төрешілер халықаралық волейбол федерациясының ең жас төрешілері атанып, әлемдік деңгейдегі жарыстарға қазылық етуге мүмкіндік алып отыр.
Айта кетейік, Әсел Ғұбашева қазірдің өзінде Филиппинде 23 жасқа дейінгілер арасында өтіп жатқан бірінші Азия чемпионатында төрелік етіп үлгерді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).