ОРАЛ. 6 маусым. ҚазАқпарат - Байқоңыр қаласында Қазақстан мен Ресей арасындағы ынтымақтастық келісімшартының 20 жылдығы аясында өткен дәстүрлі «Ұшқыр ойлар» атты аймақтық ақындар айтысынан М.Өтемісұлы атындағы Батыс Қазақстан мемлекеттік университетінің магистранты, ақын Жансая Мусина бірінші жүлдемен оралды.
Жансая - талай додада жүлде алған айтыскер.
Алматы, Шымкент, Түркістан, Тараз, Қызылорда облыстарынан 14 ақын қатысқан аталмыш додада бас жүлдені қызылордалық Мұхтар Ниязов иеленді. Екінші орыннан тараздық Ахметжан Өзбеков көрінсе, үшінші орынды шымкенттік Біржан Байтуов пен қызылордалық Ержеңіс Әбдиев бөлісті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).