12:01, 06 Қаңтар 2014

Батысқазақстандық бір топ мәдениет қызметкерлеріне «Мәдениет саласының үздігі» төсбелгісі табыс етілді

ОРАЛ. 6 қаңтар. ҚазАқпарат - Облыс әкімі Нұрлан Ноғаев бір топ мәдениет қызметкерлеріне «Мәдениет саласының үздігі» төсбелгілерін табыс етті.

Облыс әкімінің баспасөз қызметінен түскен мәліметке қарағанда, мәдениет және өнер саласындағы елеулі еңбегі үшін Ғ.Құрманғалиев атындағы облыстық филармония әртістері Камалиден Айтбаев пен Владимир Баяндин, Орал қалалық мәдениет және тілдерді дамыту бөлімінің басшысы Сайран Дүйсентегі, облыстық қазақ драма театрының әртісі Теміржан Матаев, осы театрдың суретшісі Қайыр Оразғалиев, М.Өтемісов атындағы Батыс Қазақстан мемлекеттік университеті «Мәдениет және өнер» факультетінің деканы Меңдіғаным Мергенбаева ҚР Мәдениет және ақпарат министрлігінің аталмыш наградасымен марапатталған болатын. Сонымен қатар мәдениет саласында ұзақ жыл еңбек етіп келе жатқан Мақсот Омарғалиев облыс әкімінің алғысхатына ие болды.

Мәдениет Аймақ Өнер Батыс Қазақстан облысы Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).